ADHD, barn og unge

23 700 barn og unge med ADHD mottok 245 000 kontaktdagar i poliklinikk i 2025, mot 130 000 kontaktdagar i 2019. I 2025 har Vestre Viken klart høgast rate for kontaktdagar, men både Bergen, St. Olav og Akershus har høge pasientratar i same år, som reflekterer at Vestre Viken har høgare tal kontaktdagar per pasient.

Langt fleire  gutar enn jenter mottek behandling for ADHD. Frå tidleg skulealder mottek eit betydeleg tal gutar og jenter behandling, men allereie frå 7-årsalderen er tal gutar meir enn dobbelt så høgt som tal jenter, noko det er fram til tidleg i tenåra. I tenåra jamnar kjønnsforskjellane seg ut.

Kontaktdagsraten for ADHD auka mykje i løpet av femårsperioden fram til 2025, både for landet som heilskap og for dei aller fleste opptaksområda. Berre Stavanger hadde ein betydeleg nedgang i raten. Spesielt hadde Lovisenberg, Diakonhjemmet, Finnmark, UNN og  Vestre Viken stor auke.

Kontaktdagsraten varierte frå 145 i Vestfold til 330 kontaktdagar pr 1000 barn og unge i 2025. Variasjonen i kontaktdagsraten var moderat.Dette teiknar eit likande bilete av variasjon som andre studium av variasjon i ADHD (Widding-Havneraas et al. 2022, Surén et. al, 2018), som viser betydeleg geografisk variasjon i behandling for ADHD. Studiar viser òg at symptom berre avgrensa grad forklarer variasjon i bruk av helsetenester (Widding-Havneraas et al. 2022), og såleis at mykje av den geografiske variasjonen i behandling er uforklart.

Kontaktdagar for ADHD er definerte etter følgjande kriterium:

• Personar med tilstand som startar på F90 i Akse1 (alle tilstandkodenummer) i psykisk helsevern for barn og unge eller hadde hovuddiagnose med ICD-10-kode som startar på F90 i tverrfagleg spesialisert behandling av ruslidingar, somatikk, rehabilitering og avtalespesialistar. 
• Poliklinisk behandling er definert som kontaktar der pasienten blei skriven inn og ut same dato, uavhengig av oppgitt omsorgsnivå, og inkluderer både direkte og indirekte kontaktar. Kun ein kontakt per pasient per dag er inkludert.

Alder: 0-17 år.

Ratane er justerte for alder og kjønn. Justeringa er gjort ved direkte metode med landets befolkning i 2023 som referansepopulasjon

Helse Førde er aleine ansvarleg for tolking og presentasjon av data som er utleverte. NPR har ikkje ansvar for analysar eller tolkingar som er baserte på data dei har levert ut.